NAZAM I'TIKEUD BAHSA ACEH
NAZAM I'TIKEUD BAHSA ACEH
 |
| Naskah kuno Aceh banyak disimpan di Perpustakaan Tgk Syik Tanoh Abee Seulumum. Foto: http://pendidikan-dan-teknologi.blogspot.co.id |
NAZAM I'TIKEUD BAHSA ACEH
IE MUTLAK
Pertama phon geukheun ie ujeun
Ie nyang jitrön langèt antara
Nyang keudua laöt meualön
Geulumbang ék trön meulumba-lumba
Teuma nyang keu lhè geukheun ie sungoe
Nyang jeut manoe hana cama
Keupheut bagoe ie mon luwah
Dua kulah asoe jih na
Ie mata ie limong bagoe
Di dalam bumoe hilé rata
Keunam bagoe geukheun ie beku
Öh suuem ju ie lé rata
Keutujöh bagoe geukheun ie embön
Ie nyang jitrön öh malam jula
Ie mutlak na tujöh bagoe
Habéh öh noe lön calitra
RUKÖN SEMBAHYANG
Rukön sembahyang jinoe lön peugah
Nibak jumlah na lhèè blah saja
Pertama niet dua berdiri
Lhè teukeubi rukön jih na
Pheut fatihah dalam sembahyang
Ruku’ limöng bak bicara
Nam I’tidal tujöh sujud
Lapan taduek dua antara
Sikureung duek tahyeut ache
Siplöh hasé tahyeut ta baca
Siblah seulaweut dua blah saleum
Lhè blah tamam teureutib jihna
Rukön lhè blah geubagi lhè
Pham beuténthè maséng jeumba
Di Qalbi ta’lök saboh
Niet beutugoh di dalam dada
Limöng pubuet nan di Qauliy
Phön teukeubi lhueh ta mula
Dua Fatihah Al-hamdulillah geukheun nama
Lhè tahyeut pheut seulaweut saleum teuma limong peukara
Nyang limong nyan buet jilidah
Jinoe lön peugah buet anggota
Geukheun Fi’liy nyan keuh tuböh
Dijih tujöh jikeureuja
Nyang phön tadong dua ruku’
Lhè beudoh cot piyöh siat siklép mata
Keupheut sujud nibak teumpat
Piyöh siat bak mushalla
Nyang keulimong duek antara dua sujud
BATEU SEMBAHYANG
Lailahaillah
Bateu siblah lön calitra
Soe han turi bateu siblah
Sembahyang han sah sia-sia
Nyang awai phön tameututö
Keudua lé takeurija
Keulhè makan keupheut minom
Limong takhém teutawa-tawa
Keunam najis rhöt bak jasad
Teubuka aurat tujöh peukara
Nyang keulapan beulakang qiblat
Sikureung meuhat niet nyang göga
Miseu ubah niet lam sembahyang
Siplöh hilang ruku’ gata
Siblah mureutat I’tikeut salah
Miseu Allah ta kheun dua
QASHAD, TA’ARRUD, TA’YEN
Pat tapuphön niet di dalam Allahu Akbar?
Awai hanjeut ache han sah
Peumakna Qashad? Saja lön sembahyang
Peumakna ta’arrudh? Peuréulè
Peumakna ta’yen? Teuntè watè
TANDA ISLAM
Tanda Islam pheut pukara
Öh meurumpok sabè muslèm awai saleum bak geutanyoe
Keudua suci lidah bèk meusulèt
Keulhè suci pruet bèk pajöh nyang hareum
Keupheut suci badan bèk lubha ngon seumeu’a
BINASA ISLAM
Nyang phön tapubuet sapeu-sapeu ngon tan ta tupeu
Keudua na ta tupeu han tatém pubuet
Keulhè hana tatupeu han ta tém meurunoe
Keupheut peuwayang ureung pubuet gèt
Post a Comment